2023 йил 24-25 апрель кунлари Белгород Давлат Миллий Тадқиқот Университети ва Бухоро муҳандислик-технология институти ҳамкорлиги доирасида Халқаро ҳамкорлик департаменти директори т.ф.н. Тсйбуля Николай Сергеевич ва Халқаро таълим дастурлари маркази директори Шевченко Валентина Николаевна ташриф буюрдилар. Ташрифдан кўзланган асосий мақсад таълим соҳасида ўзаро ҳамкорлик алоқаларини ривожлантириш ва таълимнинг янги йўналишларини очишдан иборат. Ташриф давомида ўтказилган музокарада БелДУ ва БМТИ билан ҳамкорлик алоқалари доирасида амалга ошириладиган ишлар, келгусидаги режалар муҳокама қилинди. Юқори мартабали меҳмонлар институтнинг фаолияти билан тўлиқ танишдилар, 2+2 дастури бўйича «Менежмент» йўналишида таҳсил олаётган бакалаврлар ва 1+1 дастури бўйича магистрлар билан давра суҳбати ташкил этилди. Талабалар БелДУ фаолияти билан яқиндан танишиш имкониятига эга бўлдилар ва ўзларини қизиқтирган барча саволларга жавоб олдилар. Ушрашув натижасида биргаликдаги фаолиятни янада ривожлантириш бўйича келишиб олинди.
