Шофиркон тумани ҳокими Алишер Файзиллоев раислигида туман Халқ қабулхонасида бўлиб ўтган қабуллар давомида Маҳаллақози маҳалла фуқаролар йиғини Қараулон қишлоғи аҳолиси томонидан электр-энергияга бўлган таъминотни яхшилаш мақсадида қўшимча трансформатор ўрнатиш бўйича қилинган мурожаатга асосан туман Электр тармоқлари корхонаси раҳбари Шахоб Йўлдошев зиммасига мурожаатни қисқа муддатда ўрганиш ва ечим топиш масаласи қўйилган эди.
Мазкур мурожаат юзасидан куни кеча мавжуд 80-рақамли трансфарматор пунктига қўшимча 1316-рақамли трансфарматор ўрнатилиб, фойдаланишга қабул қилинди.
Натижада 50 дан ортиқ фуқароларнинг хонадонида электр-энергия таъминоти яхшиланишига эришилди.
Шунингдек жорий йилнинг 24 июнь санасида вилоят ҳокими раислигида жисмоний ва юридик шахслар учун навбатдаги оммавий сайёр қабул бўлиб ўтган эди.
Унда Калон маҳалла фуқаролар йиғинида яшовчи Жасур Жалилов томонидан яшаб турган кўчасига қўшимча таянч устунлари ўрнатилишида амалий ёрдам сўраб мурожаат қилган эди.
Бугун ушбу мурожаат ижобий натижа билан қаноатлантирилиб, туман Электр тармоқлари корхонаси томонидан қўшимча таянч устунлари ўрнатилди.
