Аҳоли ва иқтисодиётнинг барча тармоқларини энергия ресурслари билан таъминлаш ҳар доим долзарб бўлиб келган. Айниқса, қиш-қировли кунларда уларга бўлган эҳтиёж янада ортади.
Шу муносабат билан тадбиркорларнинг муаммоларини ўрганиш ва ечим топиш мақсадида 5 июнь куни вилоят ҳокими Б.Зарипов раислигида бўлиб ўтган мулоқот давомида, мингчинорликларнинг юқори кучланишли электр энергия таъминоти билан таъминлаш масаласи бўйича туман ҳокими Алишер Файзиллоев таклиф киритган эди.
Ушбу таклиф қўллаб-қувватланиб, вилоят ҳокими томонидан тегишли масъулларга кўрсатма берилган эди.
Берилган кўрсатмага асосан бугун туман Электр тармоқлари корхонаси томонидан Мингчинор маҳалла фуқаролар йиғинида жойлашган Тўймурод Сатторов 35/10 кВ подстанциясида 2500 кВА ли транформатор ўрнига 10 000 кВАли трансформатор ўрнатилиб, шахсан туман ҳокими Алишер Файзиллоев назорати остида мутахассислар томонидан техник ишлар амалга оширилмоқда.
Ушбу 10000 кВАли трансформаторнинг ишга тушиши натижасида, Қайрағоч, Ҳорин, Жўйрабод, Мингчинор, маҳалла фуқаролар йиғинларида яшовчи 2300 та хўжалик ва 218 та тадбиркорлик субъектларида электр энергия таъминоти меъёри билан боғлиқ муаммоларга ечим бўлади.
