Бухоро туманидаги «Шехонча» маҳалла фуқаролар йиғинининг янгидан қуриб битказилган биноси фойдаланишга топширилди.
Бинонинг тантанали очилиш маросимида туман ҳокими Хайрилло Жўраев, сектор раҳбарлари, маҳалла фаоллари, кекса нуроний отахону онахонлар иштирок этишди.
Тадбирда туман ҳокими сўзга чиқиб, маҳалла аҳлига ўз эзгу тилакларини билдирган ҳолдан ушбу маҳалла биносини фойдаланишга топширилиши билан барчани самимий қутлади.
Давлат хусусий шерикчилиги асосида бунёд этилган мазкур бинода маҳалла бешлиги учун алоҳида хоналар мавжуд бўлиб, уларнинг ҳар-бири замонавий моддий-техника воситалари ва мебель жиҳозлари билан таъминланган.
Тадбир давомида юртимизда давом этаётган «Яшил макон» умуммиллий лойиҳаси доирасида маҳалла биноси олдида маҳалла фаоллари иштирокида мевали ва манзарали дарахт кўчатлари экилди.
