Бухоро шаҳар Имом Бухорий маҳалла фуқаролар йиғинида истиқомат қилувчи аҳоли томонидан Ҳақиқат кўчасидаги 15-умумий ўрта таълим мактаби қаршисидан ўтган ташқи газ қувури устуни кўчанинг ўртасида жойлашганлиги, кўп йиллардан буён аҳоли ва ҳайдовчиларга ноқулайликлар туғдираётганлиги, мазкур устун кечқурун яхши кўринмаслиги оқибатида, бир неча маротаба автомашиналар устунга урилиши оқибатида авария ҳолатлари қайд этилганлигидан норози бўлиб Ўзбекистон Республикаси Олий Мажлиси Сенати аъзоси А.Ҳусейновага мурожаат қилишган.
Сенатор томонидан ушбу масала тегишли масъуллар билан биргаликда шу куннинг ўзидаёқ жойида бориб ўрганиб чиқилди.
Сенатор ва бошқа тегишли мутасаддиларнинг тавсиясига кўра, “Ҳудудгазтаъминот” акциядорлик жамияти “Ҳудудгаз Бухоро” газ таъминоти филиали масъуллари томонидан ушбу масала зудлик билан ижобий ҳал қилиниб, мазкур устун йўлнинг аҳолига халақит қилмайдиган четки қисмига кўчирилди.
