РШТЁИМнинг эрталабги йиғилишида директор т.ф.н.М.Ражабов томонидан марказимизнинг бўлимларида фаолият юритаётган, илмий ишлар йўлида изланган бир гуруҳ мутахассис врачларга PhD дипломлари топширилди.
Хамроев Элберт Элмуродович-I-ШКТБ мудири, тиббиёт фанлари бўйича фалсафа доктори илмий даражасини олиш учун 14.00.05 – Ички касалликлар ихтисослиги бўйича т.ф.д., профессор, Нурбоев Фармон Эргашевич раҳбарлигида “Сурункали юрак етишмовчилиги бор кекса ёшдаги беморларда полиморбид ҳолат” мавзусидаги диссертация ишини мувофаққиятли ҳимоя қилиб, Олий аттестация комиссиясининг 2025 йил 6 мартдаги раёсати қарорига кўра PhD илмий даражасига муносиб кўрилди.
Мирзоев Валижон Ибодиллоевич- қабулхона бўлими врачи, тиббиёт фанлари бўйича фалсафа доктори илмий даражасини олиш учун 14.00.27 –хирургия ихтисослиги бўйича т.ф.д., профессор Ўроқов Шухрат Тўхтаевич илмий раҳбарлигида “Жигар циррози кузатилган беморларда ўткир панкреатитнинг даволаш-диагностик тактикаси” мавзусида диссертация ишини мувофаққиятли ҳимоя қилиб, Олий аттестация комиссияси томонидан PhD илмий даражасига эришди.
Қаюмова Гўзал Мухторовна-қабулхона бўлими врачи, тиббиёт фанлари бўйича фалсафа доктори илмий даражасини олиш учун 14.00.01 –Акушерлик ва гинекология ихтисослиги бўйича т.ф.д., доцент Дўстова Нигора Қахрамоновна илмий рахбарлигида “Муддатдан олдин қоғоноқ суви кетганда ҳомиладорлик ва туғруқни олиб боришда дифференциал ёндошув” мавзусида диссертация ишини ҳимоя қилиб, Олий аттестация комиссияси томонидан PhD илмий даражасини қўлга киритди.
Жумаева Малоҳат Мустақимовна- диагностика бўлими врачи тиббиёт фанлари бўйича фалсафа доктори илмий даражасини олиш учун 14.00.02-Морфология ихтисослиги бўйича DSc., профессор Ҳасанова Дилноза Ахроровнанинг илмий раҳбарлигида “Холецистит касаллигида ўт пуфаги деворларининг гистокимёвий ўзгаришини ўрганиш” мавзуси бўйича диссертация ишини мувофаққиятли ҳимоя қилиб, Олий аттестатция комиссияси томонидан PhD илмий даражасига муносиб кўрилди.
Бугунги ўтказилган йиғилишда ёш олим ва олима шифокор ходимларнинг эришган илм-фан йўлидаги ютуқлари тўғрисида уларнинг меҳнатига муносиб баҳо берилди. Табриклар орқали совғалар улашилди. Марказ жамоаси томонидан илиқ тилаклар билдирилди. Номлари юқорида келтирилган бир гуруҳ мувоффақиятга эришган PhD илмий даражасига эга мутахассислар пул мукофоти билан рағбатлантирилишлари тўғрисида марказ раҳбари буйруғи чиқарилганлиги билдириб ўтилди. Улар марказ жамоасининг эътирофига сазовор бўлдилар.
