Ромитан туманида 2022 йил ҳосили учун 254 та фермер хўжаликлари томонидан 5980 гектар майдонда бошоқли дон экинлари парваришланиб, давлатга 12 минг 940 тонна ғалла топширишни режалаштирган. Бундан ташқари 2 минг 500 тонна сара дон топшириш ишлари амалга оширилмоқда.
Агротехник тадбирларнинг ўз вақтида ва сифатли олиб борилиши, ғаллани қисқа муддатда йиғиб олиш мақсадида тегишли отрядлар тузилиб, зарур техникалар билан таъминланиши ўз самарасини берди.
Терим жараёнини уюшқоқлик билан ташкил қилган Ромитанлик ғаллакорлар жорий йилнинг 16 июнь куни давлатга 13 минг тонна дон топшириб, шартномавий режани 100,1 фоизга бажардилар.
Бундан ташқари тумандаги “BCT Cluster Agrokompleks” масъулияти чекланган жамияти томонидан 2022 йил ҳосили учун 1200 гектар майдонга ғалла экилиб, 2913 тонна давлатга ғалла топшириш режалаштирилган. “BCT Cluster Agrokompleks” масъулияти чекланган жамияти ғаллакорлари жорий йилнинг 15 июнь кунида 3688 тонна ғалла топшириш режасини ортиғи билан бажардилар.
Туманимизда ўрим-йиғимга алоҳида ҳозирлик кўрилиб, барча юмушлар уюшқоқлик билан ташкил этилди. Мавжуд ғалла майдонлари мавсумга пухта тайёрланиб, 29 та отрядлар ташкил этилиб, отрядларга 29 та юқори унумли дон ўриш комбайнлари, 150 та дон ташиш юк автомобиллари, шунингдек, 3 та кўчма устахоналар ҳамда 6 та ёқилғи тарқатиш агрегатлари бириктирилди.
Тумандаги “Халқобод”, “Ф.Қурбонов”, “Қўрғон”, “Шўрча”, “Боғитуркон ” ҳудудларидаги фермер хўжаликлари 65-75 центнердан буғдой ўриб, юқори ҳосилдорликка эришдилар. Хусусан, “Саида”, “Абдуллобобо”, “Хофизобод”, “Элёр Илёс Файз Омад”, “Асл Омад”, “Нормурод-Ниёз”, “Бобохон Дилшод Суннат”, “Нурмухаммадобод” фермер хўжаликларида 75-80 центнердан ҳосил олинди.
Экинлар замонавий технологиялар асосида парвариш қилиниши самарасида майса тупларида бошоқлар бўлиқлиги таъминланиб, кутилган ҳосил етиштирилди. Ҳосилни ривожланишида тажрибали миришкорлар маслаҳати асосида иш юритилгани, сувдан тежаб, оқилона фойдаланилгани ва маҳаллий, минерал ўғитлар билан ўз вақтида озиқлантирилиб, замонавий технологиялар асосида парваришлангани ютуқлар омили бўлди.
