“Коррупцияга қарши курашиш” ойлигида жамиятда порахўрликнинг олдини олиш, унга олиб борувчи омилларга қарши курашиш, коррупциявий ҳолатларни таҳлил этиш, манфаатлар тўқнашувига йўл қўймасликка қаратилган профилактик ва тарғибот тадбирлари ўтказиш режалаштирилган.
Ромитан тумани ҳокимлигининг катта мажлислар залида “9-декабрь Халқаро Коррупцияга қарши курашиш” куни муносабати билан “Коррупцияга қарши курашиш” ойлиги доирасида бу иллатнинг олдини олишга қаратилган тарғибот семинари бўлиб ўтди.
Ушбу семинарда туман ҳокими Умеджон Барноев бошчилигида сектор раҳбарлари, туман ҳокими ўринбосарлари, туман Кенгаши депутатлари, туман ҳокимлигининг аппарат ходимлари, туман ДСИ масъуллари, ҳуқуқни муҳофаза қилувчи орган ходимлари, барча ташкилот, корхона раҳбарлари, тумандаги 45 та маҳалла раислари, ҳоким ёрдамчилари, ёшлар етакчилари, маҳаллалардаги хотин-қизлар фаоллари ҳамда оммавий ахборот воситалари вакиллари иштирок этди.
