Бугун Ромитан тумани марказида жойлашган “Семурғ” тантаналар саройида байрам тадбири ташкил этилди. Унда Ромитан тумани ҳокими Умеджон Барноев, туман ҳокими ўринбосарлари, Халқ депутатлари туман Кенгаши котибияти, Инсон ижтимоий хизматлар маркази масъуллари, маданият бўлими вакиллари, ҳудудда истиқомат қилувчи ногиронлиги бўлган шахслар, якка-ёлғизлар ҳамда кўзи ожиз ногиронлар жамияти аъзолари иштирок этишди.
Даставвал туман ҳокими Умеджон Барноев меҳмонларни байрам билан қутлар экан уларга эзгу ва самимий тилакларини билдирди. Шундан сўнг тўкин дастурхон атрофига жам бўлган меҳмонларни қутлаш учун санъаткорлар ўзларининг дилтортар наволаридан бахраманд этди.
Тадбир давомида туман ҳокимлиги ташаббуси билан ногиронлиги бўлган шахсларга эсдалик совғалари тақдим этилди, Инсон ижтимоий хизматлар маркази, “Маҳалла” хайрия жамоат фонди ҳузуридаги “Саховат кўмак” жамғармаси маблағлари ҳисобидан муҳтож шахсларга ногиронлик аравачаси, қўл ҳассаси, қўлтиқ таёқлар ҳамда қимматбаҳо совғалар билан таъминланди.
Бундан ташқари туман ҳокимлиги вакиллари туманда истиқомат қилувчи ногиронлиги бўлган фуқаролар ҳолидан хабар олиниб, асосий турдаги озиқ овқат махсулотлари берилди.
Ҳар бир инсоннинг бахти, камоли бутун жамият равнақининг гарови, деб қаралаётган юртимизда ижтимоий ҳимояга муҳтож, ногиронлиги бор шахсларга давлатимиз, жамиятимиз томонидан алоҳида ғамхўрлик кўрсатилмоқда.
