Унда Ўзбекистон Республикаси Фавқулодда вазиятлар вазири ўринбосари полковник Шухрат Джўраев, вилоят ҳокими ўринбосари Жалол Арашов, туман ҳокими Умеджон Барноев, вилоят ва туман секторлар раҳбарлари, ҳуқуқни муҳофаза қилувчи органлар ходимлари, соҳа вакиллари, фахрийлар, маҳалла нуронийлари, ёш қутқарувчи клуб аъзолари ва кенг жамоатчилик вакиллари иштирок этди.
Тадбирда сўз олганлар сўнги йилларда мамлакатимизда ўтказилаётган ислоҳотлар қаторида, куч тузулмаларнинг моддий-техник базасини мустаҳкамлаш, ҳарбий хизматчилар ва ҳуқуқни муҳофаза қилувчи органлар ходимлари учун қулай шарт-шароит яратиш мақсадида муайян ишлар амалга оширилаётганини таъкидлашди.
Туманнинг Алишер Навоий маҳалла фуқаролар йиғинидаги 1,2 гектар майдонда, бош пудратчи “Emirkhan Stainless Stell” МЧЖ томонидан қурилган, лойиҳа қиймати 6,5 млрд. сўмга яқин бўлган мазкур қисм биносининг фойдаланишга топширилиши профессионал ёнғин-қутқарув хизматини ташкил этишда муҳим аҳамият касб этади.
Мазкур масканда 50 нафардан ортиқ шахсий таркиб учун барча замонавий ва зарур шарт-шароитлар, жумладан, хизмат уйи, спорт зал, ётоқхона, ошхона, ўқув хонаси, ювиниш хонаси, маънавият ва маърифат хонаси ҳамда спорт майдончалари барпо этилган.
Маъмурий бино очилиш маросимидан сўнг меҳмонлар туман Фавқулодда вазиятлар бўлимининг янги биносида хизмат ходимлари учун яратилган шароитлар билан яқиндан танишдилар.
Тадбир сўнгида туман бош имом-хатиби Отабек Рахимов иштирокида қуръон тиловат қилиниб, “Яшил макон” умуммиллий лойиҳаси асосида экилаётган дарахт кўчатлари униб ўсиб ушбу ерлар боғу роғларга айланишини, юртимиз тинчлигини, фаровонлигини тилаб дуолар қилинди ва олиб келинган турли хил мевали ва манзарали кўчатлар масъул раҳбарлар томонидан ерга қадалди.
