Ўзбекистон Республикаси Президентининг 2022 йил 27 январдаги “Хизматлар соҳасини ривожлантиришга оид қўшимча чора-тадбирлар тўғрисида”ги ПҚ-104-сонли қарорининг ижросини таъминлаш мақсадида Ромитан туманидан ўтувчи “Хайрабод” каналининг ҳимоя минтақасида туман ҳокими Умеджон Барноев ташаббуси билан туман марказининг меъморий қиёфасини янгилаш, аҳоли бандлигини таъминлаш ҳамда тадбиркорлик субъектларини ташкил этиш учун енгил конструкцияли “Соҳил бўйи” объектларини лойиҳалаштириб қуриш режалаштирилган.
22 май куни Ромитан туманидан ўтувчи “Хайрабод” канали олдида жойлашган “Соҳил бўйи объектларини ташкил этиш ва назорат қилиш” штабида ушбу қурилиш ишларини белгиланган лойиҳа асосида қисқа муддатда замонавий архитектура талабларига тўлақонли жавоб берувчи енгил конструкцияли қурилиш материалларидан фойдаланган ҳолда амалга ошириш ва фойдаланишга топшириш тўғрисида туманда фаолият юритувчи тадбиркорлар ҳамда кенг жамоатчилик вакиллари иштирокида кўргазмали семинар бўлиб ўтди.
Семинар иштирокчиларига ушбу лойиҳани амалга ошириш тартиб тамойиллари, лойиҳа имтиёзлари, қурилиши режалаштирилган объектларнинг лойиҳа ҳужжатлари ва бинолар сони ҳамда юзага келадиган янги шаҳарсозлик қиёфаси тўғрисида керакли таклифлар бериб ўтилди.
Юқорида кўрсатилган лойиҳаларни амалга ошириш ва тадбиркорлик фаолияти билан шуғулланиш истагида бўлган тадбиркорларни қўллаб-қувватлаш мақсадида Ромитан туманидан ўтувчи “Хайрабод” канали олдида жойлашган “Соҳил бўйи объектларини ташкил этиш ва назорат қилиш” штаби ташкил қилинганлигини ҳамда қурилиши режалаштирилган енгил конструкцияли тадбиркорлик биноларининг сони чекланганлигини маълум қиламиз.
