Янги йил байрами яқинлашгани сари бозорлардаги маҳсулотлар нархи ўсиши ҳолати кўп кузатилади. Бундай вазиятда аҳолига қулайлик яратиш мақсадида махсус савдо ярмаркалари ишга тушурилди.
Ромитан туманидаги “Ромитан деҳқон бозори” атрофида ташкил қилинган янги йил олди ярмаркаси ўтказилмоқда.
Бозор маъмурияти ярмарка ҳақида маълумот берар экан, унда 24 хил турдаги озиқ-овқат маҳсулотлари имтиёзли, қулай ва хамёнбоп нархларда сотилишини ҳамда ярмарка пештахталаридан аҳоли учун зарур бўлган арзон нархлардаги мева-сабзавот, мол, қўй ва товуқ гўштлари, балиқ, тухум, шакар, гуруч, картошка, пиёз, қандолат маҳсулотлари ва бошқа турдаги маҳсулотлар ўрин олганини таъкидлаб ўтди.
