Куни кеча “Ромитан сайилгоҳи” савдо ва кўнгил очар кўча (Broadwаy) мажмуаси олдида Муқобил энергия ресурсларидан фойдаланиш лойиҳалари, “Қуёш панеллари” ва “Қуёш сув иситиш қурилмалари”ни ижтимоий соҳа, ташкилот ва корхона объектлари, тадбиркорлик субъектлари, янгидан барпо этилаётган кўп қаватли турар-жойлар ва аҳоли хонадонларига ўрнатишни кенг тарғиб қилиш мақсадида кўргазмали семинар ташкил этилди.
Семинарда вилоят ва туман (шаҳар) ҳокимларининг биринчи ўринбосарлари, ижтимоий-иқтисодий идора вакиллари, тадбиркорлар, тижорат банк раҳбарлари, маҳаллалардан таклиф этилган хонадон эгалари ва соҳа мутахассислари ҳамда қуёш электр панеллари ва сув иситиш қурилмалари ишлаб чиқарувчи, етказиб берувчи тадбиркорлик субъектлари ўз маҳсулотлари билан иштирок этишди.
Кўргазмали семинарнинг очилиш маросимида Ромитан тумани ҳокими Умеджон Барноев сўзга чиқиб, қатнашчиларга кўргазма ўтказилиши мазмун-моҳиятини тушунтириб берди.
Бундан ташқари ушбу соҳада фаолият юритиб келаётган тадбиркорлар ҳам ўз фикр-мулоҳазаларини билдириб ўтдилар, улар томонидан ўтказиладиган тақдимот йиғилганларга тегишли тушунча ва кўникма берди.
Юқори савияда ташкил этилган кўргазмада 20 дан ортиқ корхона ва тадбиркорлар аксарият маҳсулотлари бугунги кун талабидан келиб чиқиб, маҳаллийлаштирилган 70 га яқин маҳсулотлари билан иштирок этдилар.
