Бугун Ромитан туманидаги Афросиёб маҳалла фуқаролар йиғини ҳудудида туман ҳокими Умеджон Барноев бошчилигида сектор раҳбарлари, Халқ қабулхонаси мудири, туман ҳокими ўринбосарлари, барча ташкилот ва корхоналар, маҳаллалар фаоллари, нуронийлар ва ёшлар иштирокида “Яшил макон” лойиҳаси доирасида манзарали кўчатлар экилиб, “Яшил жамоат боғи” барпо этилди.
Кўчат экиш тадбирида сўз олганлар, ушбу лойиҳада барчани фаол иштирок этишга чорлади. Ушбу тадбирда қарийб 1 гектар бўш турган ер майдонига 1 минг 300 донага Садақайрағоч, Шумтол, Каталпа, Гужум каби ихота кўчатлари экилди.
Юртбошимиз ташаббуси билан дарахт экиш, яшил ҳудудларни кўпайтириш катта ҳаракатга айланмоқда.
Маълумот ўрнида қайд этиш керакки, туман ҳудудида “Яшил макон” умуммиллий лойиҳаси доирасида жорий йил куз мавсумида 612 минг дона мевали, манзарали дарахт ва бута кўчатлари экиш режалаштирилган.
