Президентимиз раҳбарлигида Республикамизда, хусусан, маҳаллаларда хизмат кўрсатиш соҳасини ривожлантириш бўйича ўтказилган видеоселекторда жойлардаги ҳокимлар зиммасига бу соҳани ривожлантиришга алоҳида эътибор бериш бўйича топшириқ берган эдилар. Ромитан туманидаги маҳаллаларда бу борада ишлар жадал олиб борилмоқда.
Ромитанлик тадбиркор Завқиддин Эргашев ташаббуси билан туман марказидаги “Ромитан сайилгоҳи” олдида “NOSTALGIYA” умумий овқатланиш шахобчаси ишга тушди. Натижада, маҳалладаги ишсиз юрган фуқаролардан 8 нафари иш билан таъминланди.
Умумий овқатланиш объекти очилишида туман ҳокими Умеджон Барноев бошчилигида сектор раҳбарлари, нуроний отахонлар иштирок этиб, тадбиркорнинг иш фаолиятига барака тилашди ҳамда юртимиз тинчлиги ва халқимиз фаровонлиги йўлида дуо фотиҳа қилдилар.
