Барчага маълумки, сўнгги йилларда мамлакатимизда мурожаатлар билан ишлашнинг мутлақо янги тизими жорий қилинди. Мақсад нима? Албатта, одамларнинг дардини эшитиш, улар билан очиқ мулоқотда бўлиш, оғирини енгил қилиш, пировардида аҳолининг давлат ва жамиятга бўлган ишончини мустаҳкамлаш, уларни ҳаётдан рози қилиш олий мақсаддир.
Бу борада давлат идораларининг раҳбарлари фуқароларни мурожаатларини жойида бориб ўрганишмоқда. Муаммоларга жойида ечим топилмоқда, аҳолини қийнаётган, ўйлантираётган масалалар бўйича аниқ чора-тадбирлар белгиланмоқда.
Бугун Ромитан тумани ҳокими Умеджон Барноев бошчилигида сектор раҳбарлари ҳамда тегишли масаддилар тумандаги Қаҳрамон маҳалла фуқаролар йиғини Қаҳрамон қишлоғидан бир гуруҳ фуқаролар томонидан ҳудуднинг тасдиқланган бош режасига асосан чиқарилиши режалаштирилган ички йўл бўйтча қилинган мурожаатларни жойида бориб ўрганиш ва уларни муаммоларини бартараф этиш мақсадида ушбу ҳудудга ташриф буюришди.
Ташриф давомида мурожаат қилган маҳалла аҳолиси вакиллари билан учрашиб, уларнинг мурожаатларини тингланди. Сўнгра, тегишли мутасаддиларга ушбу мурожаатни ижобий ҳал этишга қаратилган топшириқ ва тавсиялари туман раҳбари томонидан белгилаб берилди.
