Қадрли дўстлар, азиз ромитанликлар!
Шу кунларда она-юртимиз — Ўзбекис¬тонимиз заминига гўзал баҳор нафаси билан бирга барчамиз орзиқиб кутган Наврўзи олам кириб келмоқда.
Табиат очилиб, шаҳар ва қишлоқларимиз яшил либосга бурканиб бораётган мана шу лаҳзаларда Сиз, қадрли тумандошларимни, бутун халқимизни Наврўз байрами билан чин юракдан табриклаб, барчангизга ўзимнинг самимий тилакларимни изҳор этишдан ¬бахтиёрман.
Халқимиз ҳамиша шоду хуррамлик билан кутиб оладиган қутлуғ байрамлар ва саналар кўп. Лекин шу кунларда эл-юртимиз нишонлаётган Наврўзи олам биз учун энг қадимий, асл миллий, узоқ ўтмиш замонлардан буён қадриятларимиз тимсоли бўлиб келаётган хосиятли бир айём, яшариш ва янгиланиш фаслидир.
Азиз юртдошлар!
Наврўз – чинакам халқ байрами, миллий ўзлигимиз кўзгуси, маънавий ва маданий ҳаётимизнинг ажралмас қисмидир.
Наврўзнинг ўлмас руҳи ва боқий фалсафаси биз бугун бунёд этаётган янги Ўзбекистон ғояси билан ғоят уйғун ва ҳамоҳангдир.
Бутун олам, еру кўк уйғонаётган бу ажиб фаслда юртимиздаги янги Уйғониш даври – Учинчи Ренессанс қалбимизда беқиёс куч ва ишонч олиб кирмоқда.
Ана шундай холисона, пок ниятлар ¬билан заҳматкаш деҳқонларимиз офтоб нуридан тобора қизиб бораётган ерга уруғ қадаб, бепоён далаларимиздан мўл ҳосил ундириш мақсадида янги меҳнат мавсумини бошламоқда.
Фидойи деҳқон ва фермерларимизнинг, барча меҳнатчиларимизнинг бахтини, омадини берсин, ишлари бароридан келсин.
Қадрли туманимиз аҳолиси ва меҳмонлари!
Бугунги унутилмас, улуғ айёмда ¬нуроний отахон ва онахонларимизни, мунис опа-сингилларимизни, навқирон ёшларимизни яна бир бор чин қалбимдан табриклайман.
Азиз бошингиз омон, умрингиз узоқ, ризқу насибангиз зиёда бўлсин!
Ҳар бир хонадонга, бутун юртимизга тинчлик-омонлик, меҳр-оқибат, бахту ¬саодат ёр бўлсин!
Наврўзи олам барчамизга муборак бўлсин!
