Аҳоли хонадонлари, кўчалар батартиблигини кўриб маҳалла обод манзилга айланаётганини гувоҳи бўламиз. Ромитан тумани Шўрча маҳалла фуқаролар йиғинида “Обод хонадон, обод кўча, обод маҳалла” давлат дастури бўйича кенг кўламли ишлар амалга оширилмоқда.
Айни пайтда бу ерда янгича ҳаёт бошланмоқда. Шўрча маҳалласида тозалик, ободонлаштириш ишлари жадал суръатларда олиб борилмоқда.
Бугун Президент Администрацияси масъул ходими Умед Якубов, Ўзбекистон Республикаси Президентининг вилоят халқ қабулхонаси вакили Алишер Юнусов, туман ҳокими Умеджон Барноев ва бошқа ишчи гуруҳи масъул раҳбарлари мазкур маҳаллада бўлиб, маҳалла бешлиги билан мулоқот ўтказилди ҳамда камчиликларга йўл қўйганлар огоҳлантирилди.
Маҳалла аҳли билан уйма-уй юриб уларнинг муаммолари тингланди ва аҳоли учун шарт-шароит яратиш, маҳалла инфратузилма ҳолатини яхшилаш бўйича топшириқлар берилди.
Хусусан, аҳолига қулайликлар яратиш мақсадида қурилиши режалаштирилаётган маҳалла биноси ҳамда “Workout” майдончасининг қурилиш манзили ва лойиҳалари билан танишишди.
Шунингдек, мазкур маҳаллада амалга оширилиши керак бўлган ишлар юзасидан мутасаддиларга тегишли топшириқ ва кўрсатмаларни берди.
