Расмий муносабат
Бугун, 14 январ куни Пешку тумани “Валфажир” маҳалла фуқаролар йиғини Чоробод қишлоғида яшовчи фуқаро Шерали Остоновнинг ижтимоий тармоқлар орқали қишлоқнинг ички йўлини асфалтлаштириш масаласида қилган мурожаати туман ҳокимининг топшириғига асосан “Йўллардан фойдаланиш” унитар корхонаси ходимлари томонидан атрофлича ўрганиб чиқилди.
Ўрганиш натижаларига кўра Пешку туман ҳокимлиги қуйидагиларни маълум қилади.
Пешку туман “Йўллардан фойдаланиш” унитар корхонаси ходимлари мурожаат юзасидан “Валфажир” маҳалла фуқаролар йиғини Чоробод қишлоғида яшовчи фуқаро Шерали Остоновнинг хонадонига боришганда, ижтимоий тармоқлар орқали мурожаат қилган Шерали Остонов хонадонида йўқлиги сабабли у билан телефон орқали гаплашилиб, Ш.Остоновга мурожаати юзасидан тушунтириш берилганлиги маълум бўлди.
Мурожаатда кўрсатилган “Валфажир” маҳалла фуқаролар йиғини Чоробод қишлоғининг ички йўллари, Пешку туман “Йўллардан фойдаланиш” унитар корхонаси томонидан тузилган манзилли дастур лимит ажратилиши учун Бухоро вилоят Автомобил йўллари ҳудудий бошқармасига юборилган.
Таклиф инобатга олиниб Бухоро вилоят Автомобил йўллари ҳудудий бошқармаси томонидан лимит ажратилгач, ушбу ички йўлларнинг асфалтлаштирилишини маълум қиламиз.
Пешку туман ҳокимлиги матбуот хизмати
