Наманган вилояти Соғлиқни сақлаш бошқармаси аҳолига шуни маълум қиладики, 2023 йилнинг 21 сентябрь куни соат 16-00 дан бошлаб, Чуст туман тиббиёт бирлашмаси қабулхона бўлимига туманнинг мактабгача ва мактаб таълими муассасаларидан болалар тана ҳароратини кўтарилиши, айримларида қорин оғриғи, ич сурилиши ва қусиш шикоятлари билан келади.
Бошқарма томонидан зудлик билан ишчи гуруҳ тузилиб, суриштирув ва текширув ишлари олиб борилди. Ҳозирги вақтга қадар 20 нафар болаларнинг ҳолати яхши бўлганлиги сабаб, уйига рухсат берилди. Қолган болалар ҳолати назоратда.
Эслатиб ўтамиз, кеча ва бугун болалар боғчаларида болаларга йод ва анструмин (йодамарин) дориси берилган. Заҳарланиш шундан бўлган деган хабар текширувда. Сабаби, бутун республикага тарқатилган ушбу дори воситаси 3 ёшдан 15 ёшгача бўлган болалар ўртасида йод танқислигини олдини олиш ва болаларни ақлий ривожланишини яхшилаш мақсадида берилган.
Вилоятимизни бошқа ҳудудларида ҳам болалар ушбу дорини истеъмол қилган. Уларда ҳеч қандай салбий ҳолатлар кузатилмаган. Мурожаат келиб тушмаган.
Шуни алоҳида таъкидлаш лозимки, шифохонага ётқизилган боларнинг ҳеч бирида ранимацион, яъни оғир ҳолат йўқ.
Воқеанинг келиб чиқиш тафсилотлари мутахассислар томонидан ўрганилмоқда. Барча текширувлар хулосаси чиққач якуний маълумот берилади.
