“BUKHARA NEWS” телеграм каналида “Алимент пуллари ундириб берилмаётганлиги ҳақида қилинган мурожаат юзасидан Бош прокуратура ҳузуридаги Мажбурий ижрo Бюросининг Бухоро вилоят бошқармаси қуйидагиларни маълум қилади Хабарда, З.Эгамовага икки нафар вояга етмаган фарзандларининг моддий таъминоти учун алимент пуллари ундириб берилмаётганлиги ва қарздорга “запрет” қўйилмаганлиги учун хорижга чиқиб кетганлиги билдирилган. Аниқланишича, Фуқаролик ишлари бўйича Бухоро туманлараро судининг 29.11.2012 йилдаги суд буйруғига асосан қарздор Қаюмов Рустам Рахматовичдан ундирувчи Эгамова Замира Юлдашевна фойдасига вояга етмаган 2 нафар фарзандларининг моддий таъминоти учун қарздорнинг иш ҳақи ва бошқа даромадларининг 1/3 қисми миқдорида алимент ундириш тўғрисидаги ижро ҳужжати Бюронинг Бухоро шаҳар бўлим иш юритувига 10.11.2020 йилда келиб тушган ва ижро ҳаракатлари олиб боришга киришилган. Ижро ҳужжати бўйича, қарздор Р.Қаюмовдан алимент ундириш учун қарздорнинг номида бўлган мол-мулкларини аниқлаш мақсадида тегишли идораларга юборилган сўров хатларига кўра ва унинг яшаш манзили кўздан кечирилганда ундирув қаратилиши мумкин бўлган мол-мулклар мавжуд эмаслиги аниқланган. Ижро ҳужжати бўйича қарздорга республика ҳудудидан чиқишига чеклов қўймаган давлат ижрочиси белгиланган тартибда жазоланган. Давлат ижрочисининг 25.01.2021 йилдаги қарори билан қарздорни республика ҳудудидан четга чиқиши вақтинча чекланган.
Давлат ижрочисининг 27.10.2021 йилдаги алимент қарзини ҳисоблаш тўғрисидаги қарорига асосан Р.Қаюмовни алимент қарздорлиги 01.10.2021 йил ҳолатида 35.590.272 сўмни ташкил этади. Бундан ташқари, алимент пулларини вақтида тўламаслик оқибатида ҳосил бўлган сумма давлат ижрочиси томондан ҳисобланиб, Сизга тақдим қилинган.
Қарздорнинг яқин қариндошлари томонидан 01.10.2021 йилдан 01.05.2022 йилга қадар белгиланган миқдорда алимент пуллари почта алоқа ҳизмати орқали Сизнинг яшаш манзилингизга юборилган. Қарздор Россия давлатига ишлаш мақсадида чиқиб кетиб, ҳозирга қадар қайтиб келмаганлиги сабабли Қонуннинг 42-моддасига мувофиқ 17.03.2021 йилда қарздорга нисбатан қидирув эълон қилинган ва ижро ҳаракатлари қарздор топилгунга қадар вақтинчалик тўхтатилган. Ҳозирда, қидирув тадбирлари олиб борилмоқда. Қарздор топилгандан сўнг, ижро ҳаракатлари давом эттирилади ва қарздорнинг алимент тўловларидан бўлган қарздорлигининг ундирилиш чора кўрилади.
