Куни кеча Ромитан туманининг 1-сектор худудидаги “Муғонча” маҳалла фуқаролар йиғинида жойлашган “Аламдор” оилавий шифокорлик пунктида туман тиббиёт бирлашмаси бошлиғи Жамшид Тохировнинг 1-сектор аҳолиси учун сайёр қабули ўтказилди.
Сайёр қабулда вилоят соғликни сақлаш бошқармаси мажбурий суғурта бўлими вакили, туман ҳокими ўринбосарлари, барча МФЙ ходимлари, малакали шифокорлар ҳамда фуқаролар иштирок этди.
Қабул давомида фуқароларнинг соғлиги ва тиббиётга оид мурожаати тингланди. 2 нафар фуқарога Республика ихтисослаштирилган марказларга, 8 нафар фуқарога вилоят миқёсидаги даволаш профилактика, қолган фуқароларга туман даражасидаги даволаш муассасаларида даволаниш, тиббий маслаҳат олиш учун йўлланма ва тавсиялар берилди.
Мурожаатлар туғма юрак нуқсони, ишемик инсультдан кейинги ҳолат, қандли диабет, суяк емирилиши, жигар циррози, кўз соҳаси касалликлари юзасидан бўлди.
Шу кунни ўзида малака шифокорлар 30 дан ортиқ, турли ёшдаги, соғлигида муаммоси бор аҳоли вакиллари билан суҳбатлашиб, уларга ўз тавсияларини берди. Бундан ташқари уйда ётиб қолган беморлар ҳолидан хабар олиниб, амалий ёрдам кўрсатилди.
