Азалдан халқимиз ободонлаштириш ишларига алоҳида эътибор қаратиб келган. Албатта, бу эзгу ишларни амалга оширишда халқимизга хос бўлган ҳамжиҳатлик ва бирдамликнинг ўрни катта. Мана тўрт йилдирки халқимизга хос бўлган ушбу қадириятлар давлатимиз раҳбари бошчилигидаги “Обод қишлоқ” ва “Обод маҳалла” дастурлари доирасида юртдошларимиз билан ҳамжиҳатликда амалга ошириб келинмоқда.
Анашу ишларни бажарилишини таъминлаш ва назорат қилиш мақсадида туман ҳокими Ф.Умаров, туман ИИБ бошлиғи Ў. Сойибов ва мутасадди ташкилотлар раҳбарлари билан биргаликда амалга оширилаётган ишларни кўриб чиқишди.
Мазкур дастурларнинг ҳаётимизга татбиқ этилиши натижасида эса минглаб Туманимизнинг олис ҳудудларидаги қишлоқ ва маҳаллалар ободонлаштирилиб, замонафий қиёфа касб этмоқда.
Хонадонимизни, ҳовлимизни, кўчаларимизни, ариғу томорқаларимизни саранжом тутиш халқимизга хос одат. Ҳали қуёш ётоғидан бош кўтармасидан кўчаларга сув сепиб, ер юзини очган келинчакларнинг ибратомуз ҳаракатию инсон яшамайдиган уйларни-да озода сақлаш, чанг юқтирмаслик каби анъаналаримизда кўп ҳикмат бор.
Энди тасаввур қилинг, уйимиздаги мана шу удум маҳалламизга кўчса нима бўлади? Табиийки, юрт обод бўлади!
Вобкент туманида бугундан “Долзарб 10 кунлик” доирасида маҳаллаларда ободонлаштириш ишлари ташкил этилди.
Жумладан, бугун тумандаги “Паноб” МФЙ ҳудудидаги “Файзи Авез” фермер хўжалигидаги 10 гектарлик боғларга шакл берилиб, 100 га яқин кўчатлар қурилди.
Шунингдек “Мирвоши” маҳалла фуқаролар йиғинидаги жами хонадонларда, кўчаларда, меҳнат жамоалари, қабристон ва зиёратгоҳларда ободонлаштириш ишлари бажарилди.
Муҳими, бу каби эзгу ишлардан энг аввало, юртдошларимиз кўнгли кўтарилди, турмуш тарзи яхшиланди.
— Ободонлаштириш ишларидан биз ҳам четда қолмадик, — дейди Вобкент туман “Кулолчи” маҳалла фуқаролар йиғини ҳудудидаги кўп қаватли уйларда яшовчи Комил Истамов. — Амалга оширган ишларимиздан нафақат, кўчамиз, энг аввало, кўнглимиз обод бўлди! Кўнгилда неки эзгу амал бўлса барчаси рўёбга чиқади.
Шундай экан, халқимизга хос одатларимизни давом эттириб, фарзандларимизга мерос қолдириш бизнинг бурчимиздир. Бироқ уни кенг кўламда бажариш эзгу амаллар бардавомлигини таъминлайди.
Муҳими, бу каби эзгу ишлардан энг аввало, юртдошларимиз кўнгли кўтарилди, турмуш тарзи яхшиланди.
Аслини олганда, саранжом-саришталик ҳар биримизнинг кундалик вазифамиз. Бироқ уни кенг кўламда бажариш эзгу амаллар бардавомлигини таъминлайди. Бир сўз билан айтганда қиш мавсуми олдидан ҳудуд поклик, озодалик кўринишига эга бўлмоқда.
