Кредитга олинган автомашина сотилиши мумкин

Фуқаролик ишлари бўйича Ғиждувон туманлараро судининг 10.10.2024 йилдаги ижро ҳужжатига асосан қарздор М.Худойбердиевдан ундирувчи “KAPITAL 24 CHAKANA BIZN” филиали фойдасига 152.860.899 сўм кредит қарздорлиги ундириш, ундирувни қарздорга тегишли “Cobalt” русумли автотранспорт воситасига қаратиш тўғрисидаги ижро ҳужжати Бюронинг Ғиждувон тумани бўлими иш юритувига келиб тушган ҳамда ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.
Қарздорликни бартараф қилиш учун қарздорга 15 кунлик ихтиёрий муддат берилган бўлсада, ижро ҳужжати талаблари бажарилмаган.
Олиб борилган ижро ҳаракатлари давомида автотранспорт воситаси туман ҳудудида топилиб, вақтинча сақлаш учун жарима майдончасига жойлаштирилган ва тегишли тартибда хатланган.
Ҳозирда, қонунчиликка мувофиқ қарздорга 10 кунлик муддат берилган.
Берилган муддат давомида қарздорлик бартараф қилинмаган тақдирда, автомашина сотиш учун кимошди савдоларига чиқарилади.
Автомашина сотувидан тушган маблағлар ҳисобидан кредит ва бошқа қарздорликлар қопланади. Савдодан тушган маблағлар қарздорликларни қоплашга етарли бўлмаган тақдирда, қолган қисми қарздордан ундирилади.
Ҳозирда, ижро ҳаракатлари давом эттирилмоқда.
 
Бюронинг Бухоро вилоят бошқармаси