Бугун, 13 ноябрь эрта тонгда Когон туман болалар ва ўсмирлар спорт мактаби ўйингоҳида Когон шаҳри ва Когон туманида 2023-2024 йилги куз-қиш мавсумини беталофат ўтказиш, тайёргарлик жараёнларини якунлаш бўйича тегишли соҳа вакилларидан иборат ишчи гуруҳларнинг эрталабки саф кўриги ўтказилди.
Маълумки, ташкил этилган ишчи гуруҳлари ҳудудларда куз-қиш мавсумига тайёргарлик кўриш, мавсумни беталофат ўтказиш, маҳаллаларда мавжуд камчиликларни бартараф этиш бўйича фаолият олиб бормоқда. Шунингдек, шаҳар-туманларда ушбу мақсадга хизмат қилувчи узлуксиз навбатчилик штаблари ташкил этилган.
Штабнинг асосий вазифаси – аҳолидан келиб тушган мурожаатларни тезкорлик билан ечимга келтириш чора-тадбирларини белгилаш ва амалга оширишдан иборат.
Саф кўригида иштирок этган вилоят ҳокими Ботир Зарипов ишчи гуруҳлари ва штаб фаолиятини жонлантириш орқали ҳудудлардаги кўп қаватли уйлар инфратузилмасини янада яхшилаш, ижтимоий соҳа объектларида кўрилган куз-қиш мавсумига тайёргарлик ишларидаги аниқланган камчилик ва муаммоларни тез фурсатда бартараф этиш бўйича мутасаддиларга топшириқ ва кўрсатмалар берди.
Шунингдек, вилоят раҳбари жойларда кўмир захирасининг мавжудлиги ва уларни сақлаш ҳолати, ноқоуний қурилмаларни бартараф этиш этиш масаласига ҳам алоҳида тўхталди. Куз фаслининг сўнгги ойидаги илиқ ҳаволи кунлардан унумли фойдаланиб, камчиликларни тез кунларда бартараф этилиши бу йилги қиш мавсумини беталофат ўтказишда муҳим омил бўлиб хизмат қилишини таъкидлади.
Саф кўригида кечаги куннинг вазифалари муҳокама этилиб, бугун амалга оширилиши лозим бўлган ишлар юзасидан чора-тадбирлар белгилаб олинди.
