БухДУ Жисмоний маданият факультетида халқаро ҳамкорликни янада ривожлантириш ва йўлга қўйиш билан биргаликда, факультетда нуфузли хорижий олий таълим муассасаларидан профессор-ўқитувчиларни жалб этиш, улар тажрибасини янада оммалаштириш, бу орқали ТОП 1000 талик ОТМлар қаторига Бухоро давлат университетини киритиш борасида салмоқли ишлар амалга оширилиб келинмоқда. Жумладан, 18 апрель куни Украинанинг Тарас Шевченко номидаги Киев давлат миллий университетининг Педагогика кафедраси профессори, педагогика фанлари доктори Безносюк Александр Алексеевич Бухоро давлат университетида бўлди. Дастлаб профессор Александр Алексеевич БухДУ ректори Обиджон Хамидов, Жисмоний маданият факултети декани Баходир Маъмуров билан суҳбатлашди. Суҳбат мобайнида илмий-инновацион ва ўқув фаолиятини ривожлантиришга оид масалалар муҳокама қилинди. Жисмоний тарбия, спорт, педагогика йўналишларида ҳамкорликни мустаҳкамлаш, ўқув режаларини, ҳамкорлик дастурларини амалга ошириш, талабалар алмашинуви, илмий грандлар, юқори импаcт факторли журналларда мақолалар чоп этиш, ўқитувчиларнинг стажировкасини ташкил этиш бўйича ҳамкорлик ишлари муҳокама қилинди.
Сўнгра украиналик профессор иштирокида “Международные исследования и инновационные технологии в образовании” мавзусида семинар ташкил этилди. Семинарда Жисмоний маданият факультети профессор-ўқитувчилари, магистрлар ва иқтидорли талабалар иштирок этиб, жисмоний тарбия ва спорт ҳамда спорт психология йўналишлари бўйича ўзларини қизиқтирган саволларга жавоб олишди. Учрашув юқори савияда бўлиб ўтди.
Рустам Раҳимбоев,
БухДУ Жисмоний маданият факультети талабаси
