Ижтимоий тармоқларда “1 август куни Ал-Мактум ресторани олдида машина уриб юборган, Шофёрни ўзи шошилинч ёрдам кўрсатиш учун касалхонага олиб келган. Аммо ўша кундан буён қочиб кетиб фарзандимни коʼришга келмаган. 102 рақамига 4 марта мурожаат қилинган. Терговчи ҳам келгани йўқ фақатгина кеча экспертизадан одам келиб кетган. Милицияга ишонч қолмади. Менга ёрдам беришингизни сўрайман” мазмунидаги мурожаат эълон қилинди.
Мазкур ҳолат Бухоро шаҳар Ички ишлар органлари фаолиятини мувофиқлаштириш бошқармасида тегишли тартибда қайддан ўтказилган. Ҳодиса содир бўлган жой, вақт ва иштирокчиларнинг шахсига аниқлик киритилган ҳолда терговга қадар текширув ҳаракатлари олиб борилмоқда.
