Қора чой ҳам, кўк чой ҳам битта дарахтдан олинади. Улар ўртасидаги фарқ қуритиш жараёнлари билан боғлиқ.
👉 Чой ўзида сақловчи теин моддаси туфайли кишига тетиклик, қувват бағишлайди. Унинг таъсири қаҳвадаги кофеин сингари бўлиб, фарқи – қаҳва тез таъсир кўрсатади, аммо у берган тетиклик ҳам тез тарқалади. Чойдаги теин моддаси эса секинлик билан таъсир кўрсатса-да, самараси узоққа чўзилади.
✅ Кўк чой ҳам тетиклаштирувчи, ҳам тинчлантирувчи таъсирга эга. Уни 2 дақиқа давомида тиндирганда тетиклаштирувчи, 5 дақиқа давомида тиндирганда тинчлантирувчи таъсир кўрсатади.
✅ Чойни 5 дақиқадан кўп дамламаган маъқул, бунда унинг фойдали хусусиятлари йўқолади.
✅ Кўк чойда сақланувчи галлат эпигаллокатехин моддаси юрак-қон томир касалликлари, саратоннинг айрим (ўпка, тухумдон, сут бези, простата бези, ошқозон) турларидан профилактика қилади.
✅ Кўк чой узоқ умр кўришга ёрдам берувчи эликсир сифатида қадрланади. Япон олимлари тадқиқотларига кўра, кунига 5 пиёла кўк чой ичиш эрта ўлим эҳтимолини эркакларда 12 фоизга, аёлларга 23 фоизга қисқартириши мумкин.
✅ Кўк чой таркибидаги антиоксидантлар қариш жараёнини секинлаштиради, моддалар алмашинувини яхшилайди.
✅ Енгил дамаланган кўк жой иссиқ об-ҳавода чанқоқни қондиришга ёрдам беради.
✅ Қора чой қон босими паст бўлган (гипотония)ларга тавсия этилади.
✅ Қора чой организмда холестерин миқдорини нормаллаштиради, инсультдан профилактика қилади.
✅ Ёғларнинг яхши сўрилишига таъсир кўрсатгани боис қора чой жигарда ва қон томирларида ёғ тиқинларининг жамланмаслигига ёрдам беради.
✅ Шунингдек, қора чой қон томирлари тонусини яхшилайди.
✅ Қора чойни оч қоринга ичиш тавсия этилмайди. 5 соатдан ортиқ вақт туриб қолган шамани ишлатиш, битта шамадан уч мартадан кўп фойдаланиш зарарлидир.
