16-17 август кунлари Бухоро шаҳридаги “Ёшлар маркази” биносида “InnoWeek-2022” ҳудудий кўргазмасининг Бухоро вилояти босқичи бўлиб ўтади.
Кўргазмада Бухоро вилоятининг барча туман ва шаҳарларидан келган иқтидорли ёшлар, ўз инновацион ишланмалари билан иштирок этишлари мумкин бўлади.
Кўргазмага вилоятдаги тадбиркорлар ва ишбилармонлар, инвесторлар жалб қилинади. Бу ёш стартап эгалари учун ўз лойиҳасини тўғридан тўғри жонли тақдим қилиш, потенциал мижозларни топиш, бизнес ҳамкорларни излаш ва лойиҳасига сармояларни жалб қилиш учун катта имконият.
Кўргазма давомида “TechnoWays” – технологик ривожланиш марафони бўлиб ўтади.
TechnoWays марафонида иқтидорли ёшларнинг лойиҳалари ҳар томонлама ривожлантирилади ва технологик билимлар билиан бойитилади. Марафон якунида эса энг яхши лойиҳалар саралаб олиниб, рағбатлантирилади.
Марафонда қатнашиш шартлари:
- Иштирокчиларнинг ёши 30 дан ошмаган бўлиши зарур;
- Иштирокчилар ўз лойиҳаси прототипига эга бўлиши зарур;
- Битта иштирокчи фақат битта лойиҳа билан иштирок этиши мумкин.
“TechnoWays” технологик ривожланиш марафонида қатнашиш учун @technoways_registratsiyabot телеграм боти орқали рўйхатдан ўтиш зарур.
