Ҳақиқатдан ҳам бугун, 27 июль куни соат 11:40 да Бухоро шаҳрининг И.Мўминов кўчасини кесиб ўтувчи йўлдан ҳаракатланиб бораётган Қоракўл тумани «Қозон» маҳалласида яшовчи 1998 йил туғилган фуқаро бошқарувида бўлган қора рангли Ласетти (жентра) автомашинаси шу кўчадан пиёда йўлни кесиб ўтаётган 1977 йилда туғилган Бухоро шаҳар ИИО ФМБ ҲПБ ходими капитан Ж.Т. ни уриб юбориши натижасида йўл транспорт ҳодисаси содир бўлган.
РШТЁИМ Бухоро филиали ҳамда Ички ишлар бошқармаси Тиббиёт бўлими шифокорлари назоратида ушбу ходимга кечиктириб бўлмас зарурий ҳамда малакали тиббий муолажалар кўрсатилган. Ҳозирда унинг аҳволи қониқарли.
Ҳолат юзасидан терговга қадар текширув ҳаракатлари олиб борилмоқда.
Бухоро вилояти ИИБ Ахборот хизмати
