Жорий йилнинг 19 июль куни Бухоро вилояти Ички ишлар бўлими бошлиғининг ўринбосари ММИ ва КВТХ бошлиғи подполковник У.Утаев туман ҳокими Ф.Умаров туман ички ишлар бўлимининг ишчи гуруҳи туман ички ишлар бўлими ходимлари ва уларнинг ота оналари, оила аъзолари ўртасида учрашув ўтказилди.
Мазкур учрашувда энг асосий масала ички ишлар органларида хизмат интизоми ва қонунчилик талабларига қатъий риоя этиш, ходимлар билан боғлиқ салбий ҳолатларнинг олдини олиш, ходимлар томонидан тамагирликка йўл қўймаслик масаласи муҳокама қилинди.
Учрашувда сўзга чиққан ички ишлар бўлими бошлиғи ўринбосари У.Утаев ички ишлар органларида амалга оширилаётган туб ислоҳотлар амалга оширилаётганлиги, бунда ички ишлар соҳасини халқ манфаатларига ўз вақтида ва сифатли ёрдам кўрсатадиган, ҳар бир ходим ички ишлар органлари хизматига кириш олдидан қилган қасамёдига содиқ қолган ҳолда Ватан тинчлиги ва халқ осойишталигини таъминлаш йўлида садоқат билан хизмат қилиши зарурлиги бугунги куннинг энг долзарб масалаларидан бири эканлигини таъкидлади.
Шунингдек, ходимлар томонидан йўл қўйиб келинаётган камчиликлар, хусусан хизмат интизомига риоя этмаслик, ўзига юклатилган вазифаларга масъулиятсизлик билан муносабатда бўлиш, энг ачинарлиси, турли кўринишдаги тамагирлик, зўравонлик ва бошқа жиноятлар содир этилаётганлиги, шу билан бир қаторда ҳудудларда фуқаролар томонидан содир этилаётган жиноятларнинг олдини олишга қаратилган профилактик ишларнинг етарли даражада олиб борилмаётганлиги қаттиқ танқид остига олинди.
Шунингдек, ҳар бир ички ишлар органи ходимларининг оила аъзолари билан суҳбат ўтказилиб, уларни қийнаб келаётган муаммолар ўрганилиб, маҳаллий ҳокимлик кўмагида уларнинг ижобий ечимини ечиш бўйича тегишли чоралар белгилаб олинди.
Учрашув якунида туман ҳокими Ф.Умаров бугунги кунда фаолияти давомида сидқидилдан яхши ишлаган ички ишлар органлари ходимларига туман ҳокимлиги томонидан совғаларни топширишди.
