Ромитан туманидаги Мактабгача ва мактаб таълими бўлимига қарашли барча мактабгача таълим ташкилотларида “Хайр боғчам – салом мактабим” шиори остида байрам тадбири бўлиб ўтди.
Тадбирда Мактабгача ва мактаб таълими бўлими шўъба мудири Шерали Тойиров бошчилигида методистлар, 3-ДМТТ ходимлари ҳамда тарбияланувчиларнинг ота-оналари қатнашишди.
Тадбирда болажонлар ўз ташкилотида ўрганган билимлари учун ўз устозларига миннатдорчилик билдириб, устоз, боғча ва мактабни тараннум этувчи шеър, қўшиқлар ижро этиб, меҳмонларнинг кўнглидан жой олдилар.
Бундан ташқари жажжи болажонлар тадбирда буюк сиймолар кўриниши, эртакдан парчалар, шеърлар, куй ва қўшиқлар ижро қилишди.
Тадбир сўнгида ўз касби фидойи устозларига туман ҳокимлигининг ташаккурномаси ҳамда эсдалик совғалари топширилди. Жажжи болажонларимизга эса китоблар улашилди.
