Энергия ресурсларни беҳуда ва мақсадсиз сарфлаш ҳолатлари маъмурий жавобгарликка сабаб бўлади

“Ўзэнергоинспекция” Бухоро вилояти ҳудудий бошқармаси, вилоят прокуратураси, вилоят ички ишлар ва фавқулотда вазиятлар бошқармалари  ҳамкорликда энергия ресурсларидан нооқилона, мақсадсиз фойдаланишни олидини олиш мақсадида истеъмолчиларга тегишли тартибда профилактика ишлари мунтазам олиб борилмоқда.
 
Хусусан, жорий йилнинг ноябр, декабр ойларида истеъмолчиларни энергия ресурсларни беҳуда, яъни куннинг ёруғ даврларида ёритиш чироқларидан фойдаланиш каби 560 та ҳолати аниқланди. Шундан 130 та ҳолатда маъмурий ҳуқуқбузарликка йўл қўйган истеъмолчининг мансабдор шахсларига нисбатан маъмурий баённома расмийлаштирилди.
Ўтказилган тадбирлар натижасида жами қуввати 168 кВт бўлган электр қурилмаларининг беҳуда сарфланиши олди олинди. Ушбу беҳуда сарфланишлар 250 та хонадоннинг бир ойлик ўртча истеъмолига тенг.
Эслатиб ўтамиз: Энергия ресурсларни беҳуда ва мақсадсиз сарфлаш  Ўзбекистон Республикаси “Маъмурий жавобгарлик тўғрисидаги кодекс”нинг  100-моддасига асосан жавобгарлик белгиланган.