Ижтимоий тармоқлар ва матбуотда АҚШ президенти Доналд Трамп вафот этгани ҳақида миш-мишлар тарқалмоқда.
Бу хабарлар асос сифатида АҚШ вице-президенти Жей Ди Вэнснинг кеча айтган сўзлари келтирилмоқда. Вэнс кеча ўз баёнотида, агар Трамп билан нимадир юз берса, АҚШ президентлиги ваколатларини ўз зиммасига олишга тайёрлигини билдирган эди.
Бундан ташқари, Трамп сешанба кунидан бери омма олдида кўриниш бермади, бу эса унинг учун ўта ноодатий ҳолат сифатида кўрилмоқда.
«Шунингдек, Пентагоннинг фавқулодда вазиятлар билан шуғулланаётганидан дарак берувчи «пицца индекси»нинг юқорилиги ҳам кузатилмоқда», – дея ёзмоқда «Страна».
Аввалроқ Оқ уй тиббий ҳисоботида АҚШ президентида веноз етишмовчилиги ташхиси қайд этилганди. Бир неча кун аввал эса оммавий ахборот воситалари Трампнинг қўлида кўкариш пайқаган эди.
Ҳозирча ушбу маълумотни расман изоҳловчи баёнот берилмаган. Трампнинг ўлимига оид ҳеч қандай ишончли далиллар йўқ.
