Мазкур мурожаатда 2023 йилнинг 23 мартида Бош вазир А.Арипов раислигида ўтган «Мактабгача таълим соҳасини ривожлантириш ҳамда истиқболдаги устивор вазифалар тўғрисида»ги йиғилишнинг 47-сонли баёни асосида ташкил этилган Республика ишчи гуруҳи томонидан тадбиркорларнинг муаммолари ўз ечимини топмаётганлиги баён этилган.
🔹Мурожаат юзасидан қуйидагиларни маълум қиламиз. Жорий йилнинг 27- март куни вилоят ҳокимининг тегишли йиғилиш баёни асосида “Мактабгача таълим соҳасида давлат-хусусий шериклик асосида фаолият юритаётган нодавлат мактабгача таълим ташкилотларининг муаммоларини ўрганиш ва амалий ёрдам бериш бўйича вилоят ишчи гуруҳи тузилди.
🔹 15 апрель куни вилоят мактабгача ва мактаб таълими бошқармасида ушбу ишчи гуруҳ таркибига киритилган ваколатли ташкилотлар масъуллари тадбиркорлар билан учрашиб, уларга мурожаатлари ечими юзасидан батафсил тушунтириш ишларини олиб бордилар ва келтирилган масалалар бўйича республика ишчи гуруҳига маълумотлар тақдим этилиши маълум қилинди.
Бухоро вилояти мактабгача ва мактаб таълими бошқармаси Ахборот хизмати
