Ўзбекистонда соатига 60 км тезлик белгиси ўрнатилган жойларда камералар ушбу чекланган тезлик бўйича жарималарни қайд этмоқда. Бу ҳақда Йўл ҳаракати хавфсизлиги хизмати «Дарё»га маълум қилди.
1 июндан республикадаги барча аҳоли пунктларида транспорт воситалари ҳаракатланишининг энг юқори тезлигини соатига 70 километрдан 60 километргача туширилиши хабар қилинганди. Бу ҳақда жамоатчилик муҳокамаси учун эълон қилинган 2022–2026 йилларга мўлжалланган Янги Ўзбекистоннинг тараққиёт стратегиясини «Инсонга эътибор ва сифатли таълим йили»да амалга оширишга оид давлат дастури тўғрисидаги президент фармони лойиҳасида белгиланган.
«Таҳлилларга кўра, йўл-транспорт ҳодисалари йилига 4 мингга яқин ўлим ҳолатлари билан якунланади. Тезликни 10 километр соатга тушириш ўлим ҳолатларини камида 15 фоизга камайтиришга олиб келади», – дейилган ҳужжатда.
Йўл ҳаракати хавфсизлиги хизмати хабарига кўра, айни пайтда мамлакатда соатига 60 км тезлик белгиси ўрнатилган жойларда камералар ушбу чекланган тезлик бўйича жарималарни қайд эта бошлаган.
«Чекланган 60 км белгиси ўрнатилган жойлардаги камералар жарима ёзишни бошлади» — ЙҲХХ
Фикр билдириш
Фикр билдириш
