Бухоро тумани «Маданият-работ» МФЙ «Кўчкисафед» қишлоғидаги 45-сон давлат мактабгача таълим ташкилотининг янгидан қуриб битказилган биноси фойдаланишга топширилди.
Шу муносабат билан ташкиллаштирилган тантанали очилиш маросимида туман ҳокими Хайрилло Жўраев, сектор раҳбарлари, маҳалла фаоллари ва мактабгача таълим ташкилотининг ходимлари иштирок этишди.
Ташкилотнинг очилиш маросимида сўз олган туман ҳокими Хайрилло Жўраев замон талаблари даражасида барпо этилган ана шундай мактабгача таълим ташкилотлари мактабгача ёшдаги болаларнинг жисмоний, ақлий ривожланишида кенг имкониятлар яртиб бериши, малакали кадрлар эса баркамол келажак авлодни тарбиялашда ўзининг муносиб ҳиссасани қўшишларига юксак ишонч билдирди.
