“Ҳудудгазтаъминот” АЖнинг Бухоро филиали комплаенс назорат тузилмалари томонидан ўтказилган текширувлар натижасида бир қатор қонунбузарликлар фош этилди:
Бухоро тумани (“Шергирон” МФЙ): Фуқаро М.Ж. газ ҳисоблагични четлаб ўтиб, яширин уланиш орқали 31,3 млн сўм зарар келтирган.
Бухоро шаҳри (“Гулшанобод” маҳалласи): Фуқаро Ҳ.К. ер остига яширин пластик қувур тортиб, 32,9 млн сўм зарарга сабаб бўлган.
Ромитан тумани (“Қумработ” маҳалласи): Фуқаро С.Т. иссиқхонасига яширин газ қувури тортиб, 90,2 млн сўмлик ноқонуний газ ишлатган.
Шофиркон тумани (“Қайрағоч” МФЙ): Фуқаро О.Б. хонадонида савдо дўкони ташкил қилиб, газ иситиш қозонидан ноқонуний фойдаланган, натижада 13,5 млн сўм зарар келтирган.
Шофиркон тумани (“Калон” маҳалласи): Фуқаро Т.Б. газ ҳисоблагични четлаб ўтиб, 20,5 млн сўм зарарга сабаб бўлган.
Ғиждувон тумани (“Ғиждувон” МФЙ): Фуқаро Х.Ш. резина шланг ва газ сўрғич орқали ноқонуний газ ишлатиб, 14,8 млн сўм зарар етказган.
Барча ҳолатлар бўйича
ҳужжатлар расмийлаштирилиб, ҳуқуқни муҳофаза қилувчи идораларга тақдим этилди. Текширувлар давом этмоқда.
