Ушбу марказ қийин ҳолатга тушиб қолган оналарга ва болаларга ёрдам бериш учун ташкил этилган.
Марказнинг очилиш маросимида Бухоро вилояти ҳокими Ботир Зарипов, Ижтимоий ҳимоя миллий агентлиги директори Мансурбек Оллоёров, Қозоғистоннинг “Ана Үйі” жамғармаси ижрочи директори Ажаркул Клищбаева, жамоатчилик ва маҳаллий аҳоли вакиллари иштирок этди.
“Она уйи” маркази турли муаммолар сабаб боласини тарбиялашда қийналаётган оналар учун мўлжалланган. Марказнинг асосий вазифаси – оналар ва болаларга вақтинча бошпанажой, моддий ва маънавий ёрдам беришни мақсад қилган.
Бу ерда:
✅ Психологик ва маънавий кўмак кўрсатилади;
✅ Озиқ-овқат, кийим-кечак ва бошқа зарурий нарсалар билан таъминланади;
✅ Тиббий хизматлар ва маслаҳатлар берилади;
✅ Уй-жой билан боғлиқ муаммолар бўйича ёрдам кўрсатилади.
