5 январдан 6 январга ўтар кечаси вилоят ҳуқуқ-тартибот органлари ҳамда «Ўзнефтгазинспекция» мутахассислари ҳамкорлигида вилоятдаги айрим метан газ ёқилғи қуйиш шахобчаларида ўрганишлар ўтказилди.
Ўрганиш жараёнида Бухоро туманидаги жами 6 та метан қуйиш шохобчаси ўрганилди. «Дилдора» ва “Осиё Бухоро газ” МЧЖ ларга қарашли 3 та шахобчаларга келган табиий газ қувурларига ўрнатилган «Автопилот-ПРО» русумли газ ҳисоблаш ускунасидаги мавжуд имплюс турубкаси маҳкамланганда газ ўтиш ҳаракати пасайиши натижасида, ҳақиқатдан газ диафрагмасидан ўтаётган газ ҳажми сунъий равишда камайтирилган ҳолда кўрсатилишига эришилганлиги аниқланди.
Бунинг оқибатида, «Дилдора» МЧЖ га қарашли 2 та шахобча томонидан 11,1 млрд. сўмлик ҳамда “Осиё Бухоро газ” МЧЖ га қарашли шахобча томонидан 15,1 млрд жами 26,2 млрд. сўмлик табиий газ яширин равишда талон – торож қилинган.
Мазкур ҳолатлар юзасидан Ўзбекистон Республикаси ЖК. нинг 169-моддаси 4-қисми билан жиноят иши қўзғатилиб, дастлабки тергов ҳаракатлари олиб борилмоқда.
