Бухоро вилояти ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда Бухоро шаҳар “Наврўз” маҳалласида яшовчи 43 ёшли Ғ.Д исмли аёл бошқа бир фуқарони алдаб, уни АҚШга ишга жўнатиш учун ваколатли танишлари орқали виза олиб бериш ҳамда АҚШда яшовчи танишлари орқали ишга жойлаштириб қўйишни ваъда қилгани аниқланган.
Аёл “ўз хизмати” эвазига 25 минг АҚШ доллари миқдорида пул талаб қилган. У ўзи яшаб келаётган хонадонида келишилган пулнинг 10 минг АҚШ долларини олган вақтида ушланган.
Мазкур ҳолат юзасидан фуқаро Ғ.Дга нисбатан жиноят иши қўзғатилиб, дастлабки тергов ҳаракатлари олиб борилмоқда.
