Бугун соат 10:30лар атрофида Бухоро вилояти, Когон тумани ҳудудидан ўтувчи A-380b автомобиль йўлининг 32-километри ҳамда 4R-69 автомобиль йўлининг 6-километри кесишган, чорраҳада ҳайдовчи О.Ш. бошқарувидаги автобус ҳамда М.М.бошқарувидаги юк автомобили иштирокида ЙТҲ содир бўлган. Натижада бир нафар автобус йўловчиси оғир тан жароҳатлари билан шифохонада вафот этган. Бир нафар йўловчи тан жароҳати олган, 25 нафар йўловчиларга биринчи тез тиббий ёрдам кўрсатилган. ЙТҲ юзасидан терговолди суриштирув ҳаракатлари олиб борилмоқда.
Бухорода автобус ҳамда юк автомобили иштирокида содир бўлган ЙТҲ юзасидан маълумот
