Вилоят ИИБ ҳамда Бош прокуратура ҳузуридаги Департаментнинг Бухоро вилояти бошқармаси ходимлари ҳамкорлигида ўтказилган тезкор тадбирда яна бир фирибгарнинг фаолиятига чек қўйилди.
Яъни, фуқаро Ш.А. ўзга бир фуқаронинг ишончига кириб, унга укасининг номидаги “Г.А.” МЧЖга қарашли 7 гектар экин ер майдонини фирибгарлик йўли билан 120 000 АҚШ долларига сотишга келишади. Олдиндан 20 000 АҚШ долларини олаётган вақтида ашёвий далиллар билан ушланган.
Мазкур ҳолат юзасидан фуқаро Ш.А гa нисбатан Ўзбекистон Республикаси Жиноят кодексининг 168-моддаси билан жиноят иши қўзғатилиб, дастлабки тергов ҳаракатлари олиб борилмоқда.
