Бухорода 100 ва 200 минг сўмлик қалбаки пул купюраларини ясаш билан шуғулланган жиноий гуруҳ қўлга олинди
Бухоро вилояти Ғиждувон тумани ИИБ ходимлари томонидан ўтказилган тезкор тадбир давомида туманнинг Соктари маҳалласида яшовчи, 2001 йилда туғилган С.А. 2023 йил май ойи ўрталаридан май ойи охирларига қадар бўлган вақт оралиғида, танишлари И.А. ва А.И.лар билан олдиндан ўзаро жиноий тил бириктириб, бир гуруҳ бўлиб, Ғиждувон тумани Тодон маҳалласида жойлашган уйда, “ЭПСОН Л-3100″ русумли рангли принтер ёрдамида Ўзбекистон Республикасининг 100 минг сўмлик ва 200 минг сўмлик пул купюраларини келгусида ўтказиш мақсадида нусха кўпайтириш йўли билан ясаб келаётганликлари аниқланди.
Шунингдек, улар ижарада турган туманнинг Шарқ маҳалласидаги хонадондан 2 дона 200 минг сўмлик купюрадаги, 1 дона 100 минг сўмлик купюрадаги қалбаки пуллар, 26 дона А4-форматдаги махсус қоғоз листларнинг ҳар бирига 3 донадан нусха олиш йўли билан кўпайтирилган 100 минг сўмлик купюрадаги қалбаки пуллар ва бошқа ашёвий далиллар тегишли тартибда ҳужжатлаштириб олинган.
