Давлат кадастрлари палатаси Бухоро вилояти бошқармаси маълумотларига кўра, жорий йилнинг 11 ойида вилоят ҳудудида тадбиркорлик ва шаҳарсозлик фаолиятини амалга ошириш учун умумий майдони 5.9 гектар бўлган 404 та ер майдони E-auksion.uz платформаси орқали сотилган.
Ушбу ер майдонларининг умумий баҳоси 33 164 034 738 ташкил қилади.
Шунингдек, захирага олинган ҳамда белгиланган тартибда давлат мулки сифатида давлат рўйҳатидан ўтказилган ер майдонларининг 5979,1 гектари 38 170 та лотларга бўлиниб, “Ўздаверлойиҳа” ДУК томонидан деҳқон хўжалиги юритиш учун ауцион савдоларига чиқарилган. Ушбу ерларнинг барчаси Давлат кадастрлари Палатаси Бухоро вилоят бошқармаси томонидан давлат рўйхатидан ўтказилган.
