Бухоро вилояти ИИБ бошлиғининг биринчи ўринбосари полковник Баҳодирхўжа Шарипов бошчилигида гиёҳвандлик воситалари, психотроп моддалар ва уларнинг прекурсорларининг ноқонуний айланишига қарши курашиш мақсадида профилактик учрашув ўтказилди.
Учрашувда ИИБнинг тегишли соҳавий хизматлари масъуллари, вилоятдаги дори-дармон воситалари билан шуғулланувчи тадбиркорлар ва уларнинг сотувчилари иштирок этдилар.
Жараёнда таркибида гиёҳвандлик ва психотроп моддалари бўлган дори-дармонларнинг савдоси ҳамда истеъмоли ҳозирги куннинг долзарб муаммоларидан бири экканлигини ҳамда ёшларнинг онгини заҳарлаб келаётганлиги тўғрисида алоҳида таъкидланиб, бу турдаги дори-дармонларнинг ноқонуний савдоси билан шуғулланмаслик борасида яна бир бор огоҳлантиришлар берилди.
Бу борадаги тарғибот тадбирлари Бухоро вилояти бўйлаб давом этмоқда.
