Бухоро туманида “Ижтимоий ҳимояга муҳтож хотин-қизларга психологик ёрдам кўрсатиш” мавзусидаги илмий лойиҳа бўйича амалий психологик семинар тренинг бўлиб ўтди.
Семинарни “Оила ва хотин-қизлар” илмий-тадқиқот институти ижтимоий ҳимояга муҳтож аёлларга психологик ёрдам кўрсатиш бўйича лойиҳа раҳбари психолог Дилноза Мирҳамидова, лойиҳа аъзолари Дилафрўз Аюбова, Малика Мирҳамидова ҳамда туман ҳокими ўрибосари – Оила ва хотин-қизлар бўлими бошлиғи Шаходат Сафоевалар олиб бордилар.
Семинарда ҳозирги кунда ажрим ёқасига келиб қолиш, ажралиш сабаблари, она ва бола, ота ва қиз позицияси, турмушда тазйиқ ва зўравонлик турлари ва улардан ҳимоя қилиш, тазйиқ ва зўравонликка учраган хотин-қизларга психологик ёрдам бериш тўғрисида тегишли ма’лумотлар берилди.
