Мамлакатимизда аҳоли билан доимо мулоқот қилиш, фуқароларнинг қонуний талабларини бажариш, сўров ва таклифларини инобатга олиш устувор вазифа сифатида белгиланган.
Бугун Бухоро туман ҳокими Анваржон Очилов томонидан аҳоли мурожаатлари ва муаммоларини ўрганиш ва ҳал этиш бўйича навбатдаги фуқаролар қабули ташкил этилди. Ташкил этилган фуқаролар мурожаатлари қабулида туман ҳокими ўринбосарлари, барча корхона-ташкилот раҳбарлари ҳамда муаммоси мавжуд фуқаролар иштирок этди.
Қабулда фуқароларни кўпдан буён қийнаётган оғриқли муммолар ва масалалар жумладан: тиббиёт сохасига доир, тадбиркорлик, оилавий масалалар, бир марталик моддий ёрдам тайинлаш, уй-жойни таъмирлаб бериш, электр таъминотида дуч кулаётган муаммоларни бартараф этиш, “Аёллар” ва “Ёшлар” дафтариларига киритилган фуқароларга йўналиш бўйича кўмаклашиш, солиқ тўловида амалий ёрдам кўрсатиш, кадастр, суд-ҳуқуқ масалалари билан боғлиқ муаммолари бошқа масалалар ўрганилди.
Қабул жараёнида 50 нафарга яқин фуқароларнинг мурожаати тингланиб, атрофлича муҳокама қилинди. Мурожаатларнинг 21 таси жойида ҳал этилиб, муддат талаб этиладиган мурожаатлар жойига чиқиб ўрганилиши юзасидан кўрсатмалар бериб ўтилди ҳамда алоқадор ташкилотларга мурожаатларнинг ижросини тезроқ ва аниқ муддатларда бажариш юзасидан кўрсатма ва топшириқлар берилди.
Бундан ташқари субсидя ва кредит ажратиш, моддий ёрдам тайинлаш ва ишга жойлашиш сингари масалалар юзасидан қилинган мурожаатлар юзасидан қонун доирасида тушунтиришлар олиб борилди.
