Аҳоли билан тўғридан-тўғри мулоқот қилиш орқали мавжуд муаммоларни аниқлаш, уларни бевосита жойида бартараф этиш мақсадида бугун туман ҳокими Анваржон Очилов «Қавола Маҳмуд» маҳалласи фуқаролари билан учрашди.
Очиқ мулоқот тарзида ўтган қабулда 20 дан ортиқ фуқаролардан моддий ёрдам, иш билан таъминлаш, тадбиркорлик фаолиятини юритишга оид мурожаатлар ҳоким иштирокида кўриб чиқилди. Қабулда мурожаатларнинг 12 таси жойида ижобий ҳал этилди, маълум бир муддат талаб этиладиган масалалар юзасидан тегишлилиги бўйича мутасаддиларга бириктирилди ва ижроси назоратга олинди.
Сайёр қабул давомида маҳалла еттилиги билан маҳалладаги ободонлаштириш ишлари муҳокама қилиниб, масъулларга маҳалланинг ҳар бир хонадонида, ҳар бир кўчасида, ижтимоий соҳа объектларида кенг кўламли ободонлаштириш ишларини амалга ошириш юзасидан топшириқлар берилди.
