Секторлар раҳбарлари бугун Шербудин маҳалласида бунёд этилиши режалаштирилаётган “Креатив парк” лойиҳаси билан танишишди. Мазкур креатив паркдан анимация дарсликлари майдони, семинар тренинг, ижодий учрашувлар, кўргазмалар майдони, болалар майдончаси ўрин эгаллайди. Бухоро шаҳар ҳокими томонидан лойиҳа доирасида шахмат тўгараклари учун махсус жойларни ташкил этиш ва жиҳозлаш, аҳоли дам олиши учун беседкалар ўрнатиш, воркаутлар ташкил этиш ва “Шербудин” МФЙ биносида ҳам таъмирлаш ишлари олиб борилиши лозимлиги таъкидланди.
Шунингдек мазкур ҳудудда асфальтлаштириш ишларини олиб бориш, йўл чети тўсиқларини янгилаш ва ҳудудни ободонлаштириш бўйича ҳам тегишли масъулларга кўрсатмалар берди. Қисқа муддатда Бухоронинг сўлим бир гўшаси янги ижодий лойиҳалар майдонига айланишига эришилади.
